काठमाडौं ८ वैशाख । नेकपा माओवादी केन्द्रका अध्यक्ष पुष्पकमल दाहाल प्रचण्डले एमाले अध्यक्ष केपी शर्मा ओलीलाई ‘भिलेन’को संज्ञा दिएका छन् ।
बिहिबार धनगढी पुगेका अध्यक्ष प्रचण्डले त्यहाँ आयोजित कार्यक्रममा ओलीलाई भिलेनको संज्ञा दिएका हुन् ।
जनताले कम्युनिस्ट पार्टीलाई दुईतिहाइ मत दिएको भएपनि त्यसलाई ओलीले तुहाउने काम गरेको आरोप लगाएका उनले भने, ‘जसलाई राज्यको नेतृत्व दियौँ उनै भिलेन भएर निस्किए । हामी त्यो प्रवृत्तिविरुद्ध संघर्ष गर्न हामी बाध्य भयौँ ।’
जनताले दिएको दुईतिहाइ मतको सरकार ओलीका कारण तीन वर्ष नपुग्दै जनताको सपनामा तुसारापात लागेको प्रचण्डको भनाइ छ ।
एमाले अध्यक्ष ओलीले भने आज पार्टीको बैठकमा प्रचण्डले एमाले सुर्य सिध्याउँछु भनेर हिडेपनि अहिले आफै जल्दे गरेको भन्दै टिप्पणी गरेका थिए ।
