काठमाडौं । अभिनेत्री केकी अधिकारीले लगन गाँठो कस्न लागेका युवक रोहित तिवारी हाम्रोबजार डटकमका सिइओ हुन् ।
आज मेहेन्दीमा रमेकी केकीले उनै तिवारीसँग भोलि (बिहीबार) विवाह बन्धनमा बाँधिने भएकी छिन् ।
रोहित फोर्ब्सको सन् २०२० मा एसियाबाट ३० वर्षमुनिका धनाढ्यको सूचीमासमेत परेका थिए। उनी फुडमारियोको समेत सिइओ हुन्।
केकी र रोहितबीच केही समयदेखि प्रेम सम्बन्ध रहेको केकीका साथीहरु र आफन्तहरु बताउँछन् ।
यो पनि : माया बिछट्टैमा जिम्बे र लक्ष्मीको अभिनय : गीतकार तथा मोडल जिम्बे राईको नयाँ गीत माया बिछट्टैको भिडियो सार्वजनिक गरिएको छ । राईकै शब्द सिर्जनामा तयार पारिएको माया बिछट्टै बोलको गीतमा गायक प्रताप दास र गायिका प्रविशा अधिकारीको स्वर छ ।
गीतमा संगीतकार ऋषि खड्काको संगीत सृजना छ भने विशाल निरौलाको एरेन्ज छ । भिडियोमा मोडल राईसँगै अभिनेत्री लक्ष्मी बर्देवाका अभिनय देख्न सकिन्छ ।
रंगमञ्चबाट आएकी अभिनेत्री लक्ष्मी र टिकटकबाट आएकी मोडल राईको माध्यमबाट निर्देशक बिक्रम चौहानले एक प्रेमील जोडीको रोमाञ्चक प्रेम कहानीलाई देखाएका छन् ।
सार्वजनिक गीतमा प्रकाश खड्काको छायांकन तथा मिलन विश्वकर्माको सम्पादन छ ।
