काठमाडौं ७ वैशाख । नेकपा एमालेले पनि विराटनगर महानगरपालिका, धरान र इटहरी उपमहानगरपालिकाको उम्मेदवारको नाम सिफारिस गरेको छ ।
बुधबार विराटनगरमा सबेको प्रदेश १ को कमिटिले बैठकले उम्मेदवारको नाम सिफारिस गरेको हो । सहमति नहुँदा महानगरको मेयरमा मात्रै पाँच जनाको नाम सिफारिस गरिएको छ ।
जसमा सिफारिस गरिएको नामहरुमा विराटनगर महानगरपालिकाको मेयरमा सागर थापा, परशुराम बस्नेत, बाबुराम कार्की, महेश भट्टराई र रामलाल साह रहेका छन् ।
त्यसैगरी, उपमेयरको लागि सिफारिस गरिएको नामहरुमा शिल्पा कार्की, विमला दाहाल र अञ्जु उपाध्याय रहेका छन् ।
यसैगरी , इटहरी उपमहानगरपालिकामा प्रदेश कमिटीले पनि मेयरमा पनि चार जनाको नाम सिफारिस गरिएको छ । जसमा उपमेयर लक्ष्मी गौतम, प्रदेश सदस्य रामप्रसाद चौंलागाई, उपमहानगर अध्यक्ष यामकुमार सुब्बा र एमाले नेता बन्नुलाल चौधरीको रहेका छन् ।
उपमेयरमा संगीता चौधरी, अमला श्रेष्ठ, अम्बिका चौधरी, विष्णु शर्मा र रामचरण चौधरीको नाम सिफारिस गरेको छ ।
धरानको मेयरमा पनि एमालेले एक जनामा सहमति नजुटेपछि चार जनाको नाम सिफारिस गरेको छ । जसमा मोतीराज सुनुवार, मञ्जु भण्डारी, बिजय राई र मनोज मेन्याङ्बो रहेका छन् ।
त्यसैगरी, उपमेयरमा भने प्रदेश कमिटिले पदम इस्बो, लहरुमाया जिमी, सविता राई, सुशीला पहाडीको नाम सिफारिस गरेको छ ।
