काठमाडौ ७ वैशाख । आउँदै गरेको स्थानीय तह निर्वानचको लागि भागवण्डा नमिलेपछि प्युठानको ऐरावती गाउँपालिकामा सत्तागठबन्धन टुटेको छ ।
भागवण्डामा सहमति नमिलेपछि नेपाली कांग्रेस, नेकपा माओवादी केन्द्र, राष्ट्रिय जनमोर्चा, एकीकृत समाजवादी र जनता समाजवादी पार्टीका नेताहरुको संयुक्त बैठक बसेर एक्ला एक्लै निर्वाचनमा जाने निष्र्कषमा पुगेको हो ।
संयुक्त बैठक पछि संयुक्त रुपमा प्रेस विज्ञप्ती जारी गर्दै विज्ञप्तिमा कांग्रेस नेताहरु अमरबहादुर रेस्मी र दामु विक, राजमोका टंकप्रसाद पाण्डे र कृष्णप्रसाद श्रेष्ठ, नेकपा माओवादी केन्द्रका द्रोण प्रसाद पाण्डे र भिमेस कुमार घर्तीमगर, नेकपा एकीकृत समाजवादीका प्रेम जीसी तथा जनता समाजवादी पार्टीका दामोदर गिरी र माधव जीसीले हस्ताक्षर गरेका छन् ।
तथापी, एक्ला एक्लै चुनावमा लडेपनि मित्रवत् प्रतिस्पर्धा गर्ने सहमतिपत्रमा हस्ताक्षर समेत भएको छ ।
