काठमाडौं २७ जेठ । एटिएम मेसिन तोडफोड गरिरहेको अवस्थामा प्रहरीले एक जनालाई पक्राउ गरेको छ । पक्राउ पर्नेमा डडेलधुरा सेतीबेशी गाउँपालिका–४ घर भएका २१ वर्षीय दिनेश क्षेत्री रहेको प्रहरीले जनाएको छ ।
काठमाडौं महानगरपालिका–५ स्थित भाटभटेनी चोकमा रहेको सांग्रिला डेभलपमेन्ट बैंकको एटिएम मेसिन तोडफोड गरिरहेको अवस्थामा महानगरीय प्रहरी वृत्त मालिगाउँबाट खटिएको प्रहरीले क्षेत्रीलाई औजारसहित पक्राउ गरिएको हो ।
पक्राउ परेका क्षेत्री माथि प्रहरीले थप अनुशन्धान गरिरहेको जनाइएको छ ।
