काठमाडौं २ वैशाख । नेकपा माओवादी केन्द्रका अध्यक्ष पुष्पकमल दाहाल प्रचण्डले सबै स्थानमा गठवन्धन हुने अवस्था नरहेको बताएका छन् ।
शुक्रबार खुमलटारमा बसेको पूर्वस्थायी कमिटी र प्रदेश इन्चार्जहरूको बैठकमा अध्यक्ष प्रचण्डले ठाउँमा गठबन्धन हुने अवस्था नरहेको भन्दै गठबन्धनका दलहरू नै एक अर्काबीच प्रतिष्पर्धा हुनसक्ने बताएका हुन् ।
यही वैशाख ३० गते स्थानीय तह निर्वाचनको लागि चुनावी तालमेल सहज नभएको स्विकार गरेका प्रचण्डले एकीकृत समाजवादीका अध्यक्ष माधव नेपालसँग पनि गठबन्धन त्यति सजिलो नहुने बताएका छन् ।
नेपाली कांग्रेससँग झन् गाह्रो हुने बताएका प्रचण्डले सबै दलहरुले आफ्नो बलियो दाबेदारी प्रस्तुत गरिरहेको जनाएका छन् ।
