पछिल्लो समय देशका गहना मानिएका कलाकार समेत राजनीतिक दलमा आबद्ध हुने क्रम जारी रहेको छ । बलिउड देखिको सुरु भएको यो यात्रा बाट कलिउड पनि कहाँ अछुतो रहन सक्थ्यो र । कोमल वली, बद्री पंगेनी, रेखा थापा, झरना थापा, करिश्मा मानन्धर, शिब श्रेष्ठ, भुवन केसी लगायतका कलाकारहरुको राजनीतिक कित्ता स्पष्ट भईसकेको छ ।
यसैक्रममा केही दिन अघि मात्र एमालेमा प्रवेश गरेका पुराना अभिनेता शिव श्रेष्ठले केपी ओलीका बिषयमा आफ्नो धारणा प्रकट गरेका छन् । उनले नेपालको राजनीतिक नायक एमालेका अध्यक्ष केपी ओली मात्र भएको जिकिर गरेका छन् ।एमाले अध्यक्ष ओली र उनकी श्रीमती राधिका शाक्यले नयाँ वर्ष २०७९ को पूर्वसन्ध्यामा आयोजना गरेको शुभकामना आदानप्रदान कार्यक्रममा श्रेष्ठले यो कुरा बताएका हुन् ।
देश चलाउने असल ब्यक्तित्व ओलीमात्र भएको भन्दै श्रेष्ठले ओलीको खुलेरै तारिफ गरेका थिए । सो क्रममा श्रेष्ठले केपी ओलीलाई आफूहरुले साथ दिने प्रतिबद्धता व्यक्त गरेको गायिका तथा एमाले नेतृ कोमल ओलीले जानकारी दिइन् ।
