काठमाडौं- पुर्पक्षका लागि तनहुँ जिल्ला कारागारमा थुनिएका अभिनेता पल शाह उत्कृष्ट नायकको अवार्ड जित्न सफल भएका छन्। पल शाह फिल्म ‘म यस्तो गीत गाउँछु २’ मा अभिनय गरेका थिए ।
शोही फिल्म बापत शाह उत्कृष्ट नायक ठहरिएका हुन्। सोही फिल्मबाट पूजा शर्मा पनि उत्कृष्ट नायिका तथा भने सुदर्शन थापाले उत्कृष्ट निर्देशक अवार्ड पाउन सफल भएका छन्। यसो , ‘म यस्तो गीत गाउँछु २’ चलचित्र नै वर्षको सफल चलचित्र ठहरिएको छ। चलचित्र विकास बोर्डमा सोमबार आयोजित बक्स अफिस फिल्म अवार्ड समारोह आयोजन गरेको थियो । समारोहमा पल उत्कृष्ट नायक अवार्ड पाउदा उपस्थित सबै भाबुक बनेका थिए ।
पल शाह जेलमा भएकाले अवार्ड समारोहमा निर्देशक थापा र नायिका पूजा मात्र अवार्ड लिन उपस्थिति भए। यस क्रममा पलको अवार्ड पनि पूजाले जिम्मा लिएकी थिइन्। अवार्ड पाएपछि पुजाले सुामाजिक संजाल मार्फत पललाई धेरै सम्झिरहेको बताएकी छन् । म यस्तो गीत गाउँछु २’बाट उत्कृष्ट नायकको अवार्ड पल शाहले जित्दै गर्दा मेरो प्यारो साथी र हाम्रो रियल हिरोलाई धेरै मिस गरिरहेँ पल, तिम्रा लागि यो अवार्ड समर्पित गर्न चाहन्छौं ’ उनले लेखेकी छन् ।
उनले सामाजिक संजाल फेसबुका लेखेको स्टाटस यस्तो छ
फागुन ११ गते चलचित्र ‘म यस्तो गीत गाउँछु २’को प्रिमियरको दिन। एक्कासि घटेको ठूलो बज्रपातलाई सहँदै, अनेकथरी कुराहरु सुन्दै हलमा उपस्थित भइरहँदा मैले आँशु रोक्न सकेको थिइनँ। एउटा सन्तान जन्माउन आमाले गर्ने दुःख र पीडाजस्तै हो– चलचित्र निर्माण गरेर हलसम्म ल्याउनु। आज काठमाडौंमा आयोजना भएको ‘बक्स अफिस फिल्म अवार्ड’मा उत्कृष्ट नायिकाको अवार्ड जित्दै गर्दा प्रसव पीडामा चिच्याएकी एक आमा, सन्तान जन्माएपछि सबै पीडा भुलेर मुस्कुराएझैं म पनि मुस्कुराएकी छु। हुन त अझै पनि दिल खोलेर हाँस्नका लागि आउने सुखद दिनलाई पर्खिरहेकी छु। ‘म यस्तो गीत गाउँछु २’बाट उत्कृष्ट नायकको अवार्ड पल शाहले जित्दै गर्दा मेरो प्यारो साथी र हाम्रो रियल हिरोलाई धेरै मिस गरिरहेँ। पल, तिम्रा लागि यो अवार्ड समर्पित गर्न चाहन्छौं। उत्कृष्ट निर्देशकको अवार्ड जित्नुहुने मेरा गुरु सुदर्शन थापा, ब्लकबस्टर चलचित्रको अवार्ड प्राप्त गरेको हाम्रो चलचित्रलाई माया दिनुहुने दर्शक नै हाम्रा लागि सबै भन्दा प्रिय र विशेष हुनुहुनेछ। दर्शकको साथ पाएपछि अगाडि बढ्न कुनै पनि शक्तिले रोक्न सक्दैन भन्ने पुष्टि यसपटक भएको छ। अवार्ड आयोकजलाई कामको मूल्यांकनको लागि विशेष धन्यवाद। आगामी दिनमा म र मेरो टिमले अझै उत्कृष्ट चलचित्र दर्शकमाझ ल्याउने वाचा गर्दछौं। जय नेपाली सिनेमा।
