काठमाडौं २६ चैत । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्डले पर्यावरणको संरक्षण गर्ने र स्वास्थ्य प्रवर्द्धन गर्न साइक्लिङ आवश्यक रहेको बताएका छन् ।
चितवनमा शनिबार प्रज्ञा स्मृति साइक्लिङ म्याराथन–२०२२’ को उद्घाटन गर्दै अध्यक्ष प्रचण्डले यस्तो बताएका हुन् ।
‘तपाईंहरूले यो प्रतियोगितामार्फत देशैभरी साइक्लिङको विषयमा एउटा सन्देश दिनु हुनेछ । पर्यावरणको संरक्षण गर्ने र स्वास्थ्य प्रवर्द्धन गर्ने सन्देश यो म्याराथनबाट दिनु हुनेछ’,प्रचण्डले भने ।
पर्यावरण संरक्षण गर्न पनि साइक्लिङ आवश्यक रहेको बताएका उनले पर्यावरणको संरक्षण गर्ने र स्वास्थ्य प्रवर्द्धन गर्ने सन्देश साइक्लिङ म्याराथनबाट हुने बातएका हुन् ।
