काठमाडौँ । भारतीय चर्चित नायिका दिशा पाटनी दैनिकजसो नै आफ्नो नयाँ नयाँ क्रियाकलाप सामाजिक संजालमा पोष्ट गर्न माहिर सुन्दरी हुन् ।
सामाजिक सञ्जालमा औधी सक्रिय यि सुन्दरी प्रेपी टाइगरसँगको सम्बन्धमा पनि समाचारमा छाइरहेकी हुन्छिन् । यसैबिच हालै मात्र उनको इस्टाग्राममा भैसीको बच्चालाई चुम्बन गरिरहेको एउटा तस्विर पोस्ट भएको छ । जुन अहिले भाइरल नै बनिरहेको छ ।
तस्विरमा उनले कुनै क्याप्सन नखेकी पाडोलाई चुम्बन मात्रै गरेकी छिन् । दिशाको यो तस्वीरलाई फ्यानहरुले निकै मनपराइरहेका छन् । तस्वीरमा कोही प्रयोगकर्ताले जनावर प्रेमी भनेर प्रतिक्रिया दिएका छन् भने केहीले भैसीको बच्चालाई ‘भाग्यमानी’ भनेका छन् त कतिपयले काम नपाएकी केटी समेत भन्न भ्याएका छन् ।
आफूले पालेको बिरालो र कुकुरसँगको फोटो बढी पोष्ट गर्ने दिशाको पोस्टमा पाडोले पनि ब्यापक चर्चा पाएको छ । दिशा आफ्नो ग्ल्यामर तस्वीरमात्र सामाजिक सञ्जालमा राख्दिनन् ।
