काठमाडौं २४ चैत । गैरसांसद कानुन व्यवसायी गोविन्द बन्दीले कानुन, न्याय तथा संसदीय मामिलामन्त्री पदको शपथ लिएका छन् । मन्त्री बन्दीले राष्ट्रपति विद्यादेवी भण्डारीबाट बिहिबार शीतलनिवासमा आयोजित एक कार्यक्रममा पद तथा गोपनीयताको शपथ लिएका हुन् ।
उक्त कार्यक्रममा उपराष्ट्रपति नन्दबहादुर पुन, प्रधानमन्त्री शेरबहादुर देउवालगायत उच्चपदस्थ व्यक्तिहरु सहभागी भएका थिए । मन्त्रीको सपथ लिएसँगै बन्दीले आजै आफ्नो कार्यभार सम्हाल्ने भएका छन् ।
संसद बाहिरका बन्दीलाई मन्त्रीको लागि प्रधानमन्त्री शेरबहादुर देउवाले सिफारिस गरेका थिए ।
यो पनि …
गैरसांसद कानुनविद् गोविन्द बन्दी ६ महिनाको लागि कानुनमन्त्रीमा नियुक्त, आजै सपथ गराउने तयारी
काठमाडौं २४ चैत । कानुनविद् गोविन्द बन्दी कानुनमन्त्रीमा नियुक्त भएका छन् ।
गठवन्धनको सहमतिमा प्रधानमन्त्री शेरबहादुर देउवाले गैरसांसद बन्दीलाई मन्त्रीका लागि सिफारिस गरेका हुन् । बन्दीलाई आज बिहिबार दिउँसो २ बजे सपथ गराउने तयारी भइरहेको बताइएको छ ।
बन्दी ६ महिनाको लागि मन्त्री बन्ने भएका हुन् कारण संविधानले नै सांसद नरहेका ब्यक्तिलाई ६ महिना मात्र मन्त्री बन्न पाउने कानुनी व्यवस्था गरेको छ ।
बन्दी कानुन मन्त्री बने लगत्तै हालका कानुनमन्त्री कांग्रेस नेता दिलेन्द्र प्रसाद बडुलाई रिक्त रहेको उधोग बाणिज्यमा पठाउने पनि गठवन्धनमा सहमति भएको बताइएको छ ।
