काठमाडौं २१ चैत । नेकपा एमालेका अध्यक्ष केपी शर्मा ओलीको तस्विर विश्वको सर्वोच्च शिखर सगरमाथामा फहराइने भएको छ । राष्ट्रिय युवा संघ नेपाल इलामकी सचिवालय सदस्य युवन्तिका तामाङले अध्यक्ष ओलीको तस्विर सगरमाथामा फहराउने भएकी हुन् ।
तामाङले यही अप्रिल ५ देखि मे २९ सम्ममा विश्वको अग्लो शिखर सगरमाथा आरोहण गरी अध्यक्ष ओलीको तस्विर फहराउने भएकी हुन्।
इलामको सूर्योदय नगरपालिका वडा नं. १० निवासी तामाङले ओली सहित राष्ट्रिय युवा संघको झण्डा समेत सगरमाथामा फहराउने तयारीमा लागेकी छन् । अध्यक्ष ओलीले नेपाल र नेपाली जनताको शीर उँचो बनाएकाले आफुले सगरमाथामा ओलीको तस्विर फराउने उनले बताएकी छन् ।
सगरमाथाको सफल आरोहणको निम्ति सफलताको शुभकामना दिँदै एमाले अध्यक्ष ओली, उमाले उपाध्यक्ष सुवासचन्द्र नेम्वाङ र संघका केन्द्रीय संयोजक किरण पौडेलले झण्डा हस्तान्तरण गरेका छन् ।
