काठमाडौं २० चैत । नेकपा एमालेका उपाध्यक्ष विष्णु पौडेलले आगामी स्थानीय तह निर्वाचनमा माओवादीसँग तालमल नगर्ने स्पष्ट पारेका छन् ।
एमाले र माओवादीले आगामी निर्वाचनमा चुनावी तालेमल गर्ने समाचार बाहिर आएपछि उनले यसमा आपत्ती जनाउँदै एमालेले एक्लै चुनाव लड्न सक्ने दावी गर्दै उनले स्थानीय मात्र होइन, प्रदेश र प्रतिनिधिसभा चुनावमा पनि एमालेले माओवादी केन्द्रसँग तालमेल नगर्ने स्पष्ट पारेका छन् ।
एक कार्यक्रममा उनले पार्टी फुटेको नभई पार्टीको सुकेको बोक्रा उप्केको बताएका छन् । ‘ रुखमा सुकेका बोक्राहरु उप्किछन् । बुढा पातहरु झर्छन् । त्यस्ता मात्रै हो । विचार, संगठन र जनतामा परेको प्रभावका हिसाबले नेकपा एमाले फुटेको छैन । ‘ उनले भने ।
