काठमाडौं १८ चैत । नेपाली कांग्रेसका नेता प्रकाशमान सिंहले पार्टीको निणर्य नमान्नेहरुलाई पार्टी छाड्न भनेका छन् ।
शुक्रबार नयाँबानेश्वरमा आयोजित एक कार्यक्रममा नेता सिंहले कांग्रेस भित्र रहेर कांग्रेसलाई नै कमजोर बनाउनेहरु लाई पार्टी छाड्न आग्रह गरेका हुन् ।
स्थानीय तह निर्वाचनमा गठवन्धन गर्ने विषयमा कांग्रेसमा मतभेद भएपछि नेता सिंहले पार्टीको निणर्य नमान्ने नेता कार्यकर्ताहरुलाई पार्टी छाड्न आग्रह गरेका हुन् ।
नेता सिंहले यस पटकको निर्वाचनमा एक–एक कांग्रेसका नेता–कार्यकर्ताको गतिविधि हिसाब गरिने समेत बताएका छन् ।
