काठमाडौ १६ चैत । नेकपा एमालेका अध्यक्ष केपी शर्मा ओलीले नेपालमा एमालेसँग चुनाव लड्न सक्ने कुनै दल पनि नभएको दावी गरेका छन् ।
नेकपा एमालेका केन्द्रिय सदस्य तथा मेडिकल व्यवसायी दुर्गा प्रसाईले भक्तपुरको सूर्यविनायकस्थित सिपाडोलमा ‘सूर्यविनायक हरित कृषि थोक बजार’ उद्घाटन गर्दै अध्यक्ष ओलीले एमालेसँग चुनाव लड्न सक्ने हिम्मत नेपालका कुनै पनि राजनीतिक दलसँग नभएको दावी गरेका हुन् ।
अहिले गठवन्धनमा रहेका दलहरुसँग एक्ला एक्लै चुनाव लड्ने हिम्मत नभएकोले गठवन्धन गर्न लागेका बताएका उनले गठन्धन गरे चुनाव लड्न एमालेसँग हैसियत पनि मिल्ने बताएका छन् ।
तर गठवन्धन गर्न त्यति सजिलो नभएको बताएका ओलीले भने, ‘लोभी पापीको गठवन्धन गर्न गाह्रो छ ।’
एमाले प्रवेश गर्ने जनलहर नै बढेको बताएका उनले अन्य दलका नेता कार्यकर्ता रित्तिन लागेको भन्दै एमाले भरिन लागेको पनि दावी गरेका छन् ।
