इन्डियन प्रिमियर लिग आईपीएल टी ट्वान्टी क्रिकेटमा राजस्थान रोयल्सले सुखद सुरुआत गरेको छ। पुनेमा मंगलबार राति भएको खेलमा सनराईजर्स हैदरावादलाई ६१ रनले हराउँदै राजस्थानले सुखद सुरुआत गरेको हो। राजस्थानले दिएको २ सय ११ रनको लक्ष्यसहित जवाफी ब्याटिङ गरेको हैदरावादले २० ओभरमा ७ विकेट गुमाएर १ सय ४९ रन मात्र बनाउन सक्यो ।
हैदरावादका लागि एडिन माक्रमले ५७ रनको अर्धशतकीय इनिङ खेलेपनि टोलीलाई जित दिलाउन सकेनन् । यस्तै वासिङ्गटन सुन्दरले ४० तथा रोमारियो शेफर्टले २४ रन बनाए । राजस्थानका युजभेन्द्र चाहलले ३ तथा ट्रेन्ट बोल्ट र प्रसिद्ध कृष्णले २ विकेट लिए । यस अघि पहिले ब्याटिङ गरेको राजस्थानले २० ओभरमा ६ विकेट गुमायर २ सय १० रनको स्कोर बनाएको थियो ।
राजस्थानका कप्तान सन्जु सामसनले ५५ रनको अर्धशतकीय इनिङ खेले । देबदुत पडिकलले ४१ रन जोड्दा जोश बट्लरले ३५ रन बनाए ।शिम्रन हिटमयेरले ३२ तथा यासभी जैशवालले २० रन बनाए । हैदरावादका टी नटराजन र उम्रान मलिकले २-२ विकेट लिए । जितसँगै राजस्थानले १ खेलमा २ अंक जोडेको छ । हैदरावादले भने हारबाट प्रतियोगिताको सुरुआत गरेको छ ।
