काठमाडौं । एमाले अध्यक्ष केपी शर्मा ओली र महानायक राजेश हमालबिच जम्काभेट भएको छ । ओली र हमालबिच योजनाबद्ध नभएर आकस्मिक रुपमा विमानस्थलमा जम्काभेट भएको हो ।
चुनाव नजिकिँदै जाँदा पार्टी प्रवेश अभियान चलाइरहेका एमाले अध्यक्ष ओलीले हालै अभिनेत्री करिश्मा मानन्धरलाई पार्टीमा भित्र्याएका बेला मयानायक हमालसँग बातचित गरिरहेको भएता पनि यो भेट एक्कासी भएको बताइएको छ ।
स्रोतका अनुसार त्रिभुवन विमानस्थलको विशिष्ट कक्षमा ओलीसहितको एमाले टोलीसँग हमालको छोटो भेट हो । दलबलसहित कपिलवस्तु जाँदै गरेका ओली र राजेशको भेट गराउने काम करिश्माले गरेकी हुन् ।
ओलीसँगै रहेकी सुरुमा करिश्मा र राजेश हमाल भेटेर गफ गर्ने क्रममा नेताहरू पनि मिसिएका थिए । उनीहरूबिच केही बेर ख्यालठट्टा चलेको बताइन्छ ।
महानायक हमाललाई देखे लगत्तै ‘एक्लै कता जाँदै हुनुहुन्छ ? ’ भनेर ओलीले सोधेपछि राजेशले ठट्टा गर्दै करिश्मालाई तपाईले लगिहाल्नु भो भन्दै ठट्यौली पारामा उत्तर दिएपछि महनायकलाई देखाउँदै अध्यक्ष ओलीले भने तपाईहरुका लागि बाटो खोलीदिएको हो । जवाफमा हमालले भने म कलाकारितामै ठिक छु ।
