काठमाडौं १३ चैत । नेपाली कांग्रेसका महामन्त्री गगन थापाले गैरआवासिय नेपालीलाई नेपालमा लगानी गर्न दिनुपर्ने बताएका छन् ।
आज आइतबार १०औँ गैर आवासीय नेपाली विश्व सम्मेलनलाई सम्बोधन गर्दै महामन्त्री थापाले गैर आवासीय नेपालीहरुको लगानीसँग नेपालीहरु डराउनु नहुने भन्दै यस्तो बताएका हुन् ।
थापाले अबको ८ – १० वर्षमा मुलुकमा पूर्वाधारको क्षेत्रमा ठूलो लगानी चाहिएको भन्दै आन्तरिक स्रोतको परिचालनले मात्रै पूर्वाधारको विकास गर्न नसकिने भएकाले बाह्य लगानी भित्र्याउनुपर्ने बताएका हुन् ।
म्मेलनलाई सम्बोधन गर्दै महामन्त्री थापाले भने, हामी नेपालभन्दा बाहिर बसेका पहिलो पुस्ताका नेपालीलाई जसरी नागरिकता दिन डरायौँ । पासपोर्ट दिन डराएका हुन्छौ । जसरी तपाईहरुलाई अधिकार दिन डराएका हुन्छौँ ।’
‘आफ्नै दाजुभाइहरुसँग,आफ्नै दिदीबहिनीहरुसँग कहिँ न कहीँ मनमा त्यो संकुचन राखेर बसेका छौँ जसको कारणले गर्दाखेरी हामीले हात खोल्नुपर्ने हो, त्यो हात नखोलेर हाम्रो मुट्ठी कसिएको अवस्था छ । यो विषयको सन्दर्भमा नेपालको लिडरशिपले त्यो कन्फिडेन्स राख्नैपर्छ । र यसका केही नयाँ ढंगले हाम्रो साझेदारी गर्नैपर्ने हुन्छ ।’
