काठमाडौं १३ चैत । सर्लाहीमा बस दुर्घटना हुँदा चार जनाको मृत्यु भएको छ ।
बीरगञ्जबाट छुटेको ना.४ख ८५५५ नम्बरको बस जनकपुरधामतर्फ आउँदै गर्दा पूर्वपश्चिम राजमार्गअन्तर्गत लालबन्दी नगरपालिकास्थित फुलजोर पुलबाट तल खस्दा दुर्घटना भएको हो ।
चार जनाको ज्यान ज्याने गरी भएको दुर्घटनामा अन्य तीन दर्जनभन्दा बढी यात्रु घाइते भएको प्रहरीले जनाएको छ । घाइतेहरुको उद्धार गरी विभिन्न अस्पतालमा उपचार भइरहेको छ । ज्यान गुमाउनेहरुको परिचय खुलेको छैन ।
मृतकको शव पोष्टमार्टमका लागि जिल्ला अस्पताल मलगंवा पुर्याइएको प्रहरीले जनाएको छ । बस दुर्घटना हुनुको कारणको विषयमा प्रहरीले अनुशन्धान भइरहेको जनाएको छ ।
