काठमाडौं १२ चैत । नेकपा एकीकृत समाजवादीका अध्यक्ष माधव नेपालले एमाले अध्यक्ष केपी शर्मा पार्टीलाई प्रा।लि। जस्तो बनाएको टिप्पणी गरेका छन् ।
शनिबार गुल्मीमा आयोजित कार्यकर्ता भेला कार्यक्रमलाई सम्बोधन गर्दे अध्यक्ष नेपालले ओलीले कार्यकर्तालाई सिद्धान्तभन्दा ‘केपी बा आइ लभ यु’ भन्न सिकाएको भन्दै एमालेको अहिले यो अवस्था आएको बताएका हुन् ।
एमाले पार्टी आफुले बनाएको भन्दै जिकिर गरेका नेपालले ओलीलाई भनेका छन्, ‘कम्युनिष्ट पार्टीमा केपी बा आइ लभ यु चल्दैन, कामरेडहरूलाई लाल सलाम र पार्टीका सिद्धान्त सिकाउनु पर्छ ।’
आगामी तिनै निर्वाचनमा ओलीलाई धुलो बनाउने बताएका उनले सुर्य चिन्हमा ग्रहण लागेकाले कलम चिन्हमार्फत देशको समृद्धि खोज्नको लागि नेता कार्यकर्तालाई आग्रह पनि गरेका छन् ।
