काठमाडौं १२ चैत । नेपाली राष्ट्रिय क्रिकेट टोलीका कप्तान सन्दीप लामिछाने विश्वको सर्वाधिक छिटो ५० विकेट पुरा गर्ने दोस्रो खेलाडी बनेका छन् ।
नेपालका लागि एकदिवशीय अन्तर्राष्ट्रिय क्रिकेट(ओडीआई क्रिकेट) मा ५० विकेट लिने पहिलो खेलाडी उनले हालसम्म २२ खेलमा ५० विकेट लिएका छन् ।
आज शनिबार कीर्तिपुरस्थित टीयू मैदानमा पपुवा न्युगिनीविरुद्ध सन्दीपले १ विकेट लिएपछि एकदिवशीय अन्तर्राष्ट्रिय क्रिकेटमा ५० विकेटको कोशेढुंगा पार गरेका हुन् ।
