काठमाडौं ११ चैत । चीनका विदेशमन्त्री एवम् स्टेट काउन्सिलर वाङ यी तोकिएको समय भन्दा २ घण्टा अगाडी नेपाल आइपुग्ने भएका छन् ।तीन दिने नेपाल भ्रमणका आउन लागेका विदेशमन्त्री वाङ यी भारत हुँदै आज काठमाडौं आउन लागेका हुन् ।
देशमन्त्री वाङको आज शुक्रबार साँझ ५ बजे त्रिभुवन अन्तराष्ट्रि विमानस्थल अवतरण गर्ने कार्यतालिका भएपनि उनी दिउँसो ३ बजे नै नेपाल आउने भएका छन् ।
नेपाल रहँदा विदेशमन्त्री वाङसँग नेपाल र चीनबीच द्विपक्षीय हितका विषयमा तथा विभिन्न परियोजना लगायतबारे विषयमा छलफल हुने भएको छ । साथै नेपालले चिनियाँ पक्षसँग नाकामा भएको आवातजावतको समस्या, चीनमा एमबिबिएस पढेर इन्टर्न गर्न नपाएका विद्यार्थीको समस्या लगायत विषय पनि छलफल गर्ने भएको छ ।
नेपाल रहँदा उनले राष्ट्रपति विद्यादेवी भण्डारी, प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीसँग भेट्ने कार्यक्रम रहेको छ ।
उनको चैत १३ गते साँझ स्वदेश फर्कने कार्यक्रम रहेको छ ।
