काठमाण्डौं ९ चैत । नेकपा एमालेका अध्यक्ष केपी शर्मा ओलीले सत्ता गठवन्धन सरकारका नेताहरु उल्टो बाटोमा हिँडिरहेको टिप्पणी गरेका छन् ।
आज बसेको पार्टीको केन्द्रिय कमिटिको बैठकमा अध्यक्ष ओलीले राजनीतिक प्रतिवेदन पेश गर्दै वर्तमान सरकारको टिप्पणी गरेका हुन् ।
मुलुकलाई सहमति र समझदारीतिर होइन, द्वन्द्व र ध्रुवीकरणतिर धकेलिरहेको वर्तमान सरकारले प्रतिपक्षलाई समाप्त पार्ने, धुलोपिठो पार्ने, बदला लिने जस्ता अलोकतान्त्रिक अभिव्यक्तिले उनीहरुमा न्यूनतम लोकतान्त्रिक आचरण समेत नभएको स्पष्ट पारेको प्रतिवेदनमा ओलीले बताएका छन् ।
उनीहरु सामाजिक फासीवादतिर अग्रसर हुँदै गरेको बताएका उनले भने, ‘सत्ताले प्रतिपक्षका विरुद्ध गठबन्धन गर्ने, धम्कीको भाषा प्रयोग गर्ने र हिंसालाई दुरुत्साहन गर्ने कुरा लोकतन्त्रमा अपेक्षा गरिँदैन ।’
