काठमाडौं २८ फागुन । नेकपा एकीकृत समाजवादी पार्टीका अध्यक्ष माधवकुमार नेपालले नेकपा एमालेका अध्यक्ष केपी शर्मा ओली सडकमा पछारिएको बताएका छन् । आफ्नै कुवुद्धि, दम्भ र ढंगका कारण ओली सडकमा पछारिएको बताएका हुन् ।
धादिङको गल्छीमा आयोजित कार्यक्रमलाई सम्बोधन गर्दै नेपालले आफुहरुले भने देशको अगुवाइ गरिरहेको बताएका छन् । उनले भने ,‘सबै ठाउँमा सरकारमा बसेका केपी ओली किन सडकमा छारिन पुगे? के गर्छस् मंगले आफ्नै ढंगले’।
पाँच दलिय गठवन्धन भत्काउन ओलीले प्रधानमन्त्री शेरबहादुर देउवालाई निकै चारो फाल्ने कोशिस गरेको बताएका नेपालले आफुहरुको एकता तोड्न ओली लागि परेको आरोप लगाएका हुन् ।
कतिलाई केपी ओली र शेरबहादुर मिल्ने त होइन भन्ने लागेको विषयलाई स्मरण गराउँदै नेपालले शेरबहादुरजीले इमान्दारिता देखाएको बताएका छन् ।
‘उहाँले भन्नुभयो–संकटका बेला मिलेर अघि बढेका छौं । यो संकटका बेलाको मित्रतामा घात गर्न सक्दिन ।’ नेपालले भने ।
