काठमाडौं २७ फागुन । नेकपा एकिकृत समाजवादी पार्टीका अध्यक्ष माधव नेपालले आगामी निर्वाचनमा पाँच दलीय गठवन्धन मिलेर जाने स्पष्ट पारेका छन् ।
शुक्रबार समाजवादी प्रेस संगठनले धरानमा आयोजना गरेको पत्रकार सम्मेलनमा बोल्दै अध्यक्ष नेपालले गठवन्धनको चुनावी तालमेलमा कसैलाई भ्रममा नपर्न भन्दै यस्तो जानकारी गराएका हुन् ।
एमसीसी पास गरेर अमेरिकाको मतियार बन्नु भयो भन्ने पत्रकारको प्रश्नमा अध्यक्ष नेपालले केपी शर्मा ओलीले हुबहु एमसीसी पास गर्न लागेकाले गठबन्धनले व्याख्यात्मक टिप्पणी गर्दै एमसीसी पास गरेको बताए ।
नेपालले आगामी निर्वाचनमा प्रधानमन्त्री शेरबहादुर देउवाले समेत तालमेल हुन बताइसकेकाले यस विषयमा अब कसैले भ्रममा नपर्न आग्रह गरेका छन् ।
