काठमाडौँ- दोस्रो लहरको संक्रमणको ‘हटस्पट’ बनेको भारतमा संक्रमितको दैनिक वृद्धिमा उल्लेख्य कमी आएको छ ।पछिल्लो २४ घण्टामा त्यहाँ १ लाख १ हजार २३३ जनामा संक्रमण भएको छ ।
यो सँगै भारतमा कोरोना संक्रमितको संख्या २ करोड ८९ लाख ९ हजार ६०४ पुगेको छ । यसअघि भारतमा पहिलो पटक १८ वैशाखमा कोरोना संक्रमितको दैनिक वृद्धि ४ लाख नाघेको थियो ।
संक्रमितको संख्या २४ वैशाखमा भारतमा सबैभन्दा उच्च विन्दुमा ४ लाख २२ हजार २५७ पुगेको थियो । दैनिक चार हजार हाराहारी संक्रमितको मृत्यु हुँदै आएको भारतमा पछिल्लो २४ घण्टामा २ हजार ४४५ मा झरेको छ ।यो सँगै भारतमा कोरोना संक्रमितको मृतक संख्या ३ लाख ४९ हजार २२९ पुगेको छ ।
