काठमाडौं २४ फागुन । मोटरसाइकलको ठक्करबाट डियुटीमा खटिएका एक प्रहरी हवल्दारको मृत्यु भएको छ । उक्त मोटरसाइकलको ठक्करबाट एक जना प्रहरी जवान घाइते भएका छन् ।
बाँकेस्थित नेपालगञ्ज–कोहलपुर सडकखण्डको राँझा चोकमा गएराति भे १० प ४७५७ नम्बरको मोटरसाइकलले चेकिङमा खटिएका प्रहरी हवल्दार र प्रहरी जवानलाई ठक्कर दिएको हो ।
उक्त दुघटनामा परी ज्यान गुमाउने प्रहरी हबल्दार भुपेन्द्र शाही रहेका छन् । सो दुर्घटनामा प्रहरी जवान नरेश चौधरी र मोटरसाइकल चालक सन्तोष बमसिंह ठकुरी घाइते भएका छन् ।
घाइते दुवैको मेडिकल कलेज नेपालगञ्जमा उपचार भइरहेको प्रहरीले जनाएको छ ।
