काठमाडौं २२ फागुन । नेकपा एमालेका संसदीय दलका नेता सुवास नेम्वाङले स्थानीय तह निर्वाचन सार्नको लागि सत्ता गठवन्धनले अर्लि एलेक्सन भन्दै गरेको आरोप लगाएका छन् ।
आज आइतबार संसद भवन बाहिर पत्रकारहरुसँग कुरा गर्दै नेता नेम्वाङले यस्तो बताएका हुन् । स्थानीय निर्वाचन भत्काउने, सार्ने नियतले अर्लि इलेक्सनको चर्चा भएको हुन सक्ने उनले आरोप लगाएका हुन् ।
संसदले ठीक ढंगले काम नगरेपछि विघटन गर्दा प्रतिगमन भयो भन्ने दलहरु नै अहिले अर्लि एलेक्सनको चर्चा गरिरहेको बताएका उनले गठवन्धन दलहरु सोझो बाटो नहिडेको समेत बताएका छन् ।
यो पनि …
ओलीको वितण्डा अत्ति भो भत्ता खाने, संसद चल्न नदिने, अब संसद भंग गरौं : माधव नेपाल
काठमाडौं २२ फागुन । नेकपा एकिकृत समाजवादी पार्टीका अध्यक्ष माधव नेपालले संसद भंग हुन सक्ने बताएका छन् ।
लामो समय देखि एमालेको कारण संसद चल्न नपाएको बताएका उनले संसद भवन बाहिर सञ्चार माध्यमहरुसँग बोल्दै संसद भंग हुनु अब स्वाभाविक नै भएको बताएका हुन् ।
‘हाउस चल्न पनि नदिने, केही गतिविधि गर्न नदिने, भत्तासत्ता खाने, हामीलाई पनि हैरान पार्ने’ अध्यक्ष केपी ओलीको वितण्डा सामना गर्नलाई यो सब भंग गरिदिने, न संसद रहन्छ न हंगामा गर्ने ठाउँ नै रहन्छ , चुनावमा जान्छ ।’ उनले भने ।
यदि संसद भंग भए तिनै तहको चुनाव प्याकेजमा नै हुने जानकारी समेत गराएका छन् ।
