तनहुँ २२ फागुन । तनहुँको दमौली बजार ब्यास नगरपालिका ४ स्थित भोलेटार चोकमा रहेको भूपाल हार्डवयरमा लागेको आगलागी निभाउने प्रयास भइरहेको छ ।
बिहान १० बजेबाट लागेको आगो निभाउन फायर फाइटिङसहितको टोली लिएर सिम्रिक एयरको हेलिकोप्टर मार्फत घटना स्थल पुगेको छ ।
जिल्ला प्रहरी तनहुँले दिएको जानकारी अनुसार अहिले सिम्रिक एयरको हेलिकोप्टरले स्थानीय मादी नदीबाट पानी निकालेर आगो निभाउने प्रयास भइरहेको छ ।
विद्युत् लाइन सर्ट भएर आगो लागेको प्रारम्भिक अनुमान गरिएको छ । साथै आगो फैलिन नदिन डोजरले घर भत्काउने काम भइरहेको छ ।
आगो निभाउन चितवन, लमजुङ, पोखरालगायत ठाउँबाट समेत दमकल मगाइएको प्रहरीले जनाएको छ ।
