काठमाडौं १७ फागुन । नेकपा एमालेका अध्यक्ष केपी शर्मा ओलीले अर्का नेता भीम रावललाई अनुशासनहीन काम गरी हिरो बन्न खोजेको बताएका छन् ।
एमसीसीको विषयमा आफ्नो पार्टीको धारणा सार्वजनिक गर्दै अध्यक्ष ओलीले रोष्टममा गएर एमसीसीबारे बोल्नु व्यक्तिगत रुपमा रावल हिरो बन्न खोजेको र अनुशासन उल्लंघन गरेको आरोप लगाएका हुन् ।
रावलले आत्मकेन्द्रित काम गरेको भन्दै ओलीले त्यस प्रति पार्टीको गम्भीर ध्यानाकर्षण भएको समेत स्पष्ट पारेका छन् ।
‘मैले संसदीय दलको बैठकमा व्यक्तिगत रूपमा टिकाटिप्पणी नगर्न उहाँलाई भनेको थिएँ । तर, उहाँले व्यक्तिगत रूपमा हिरो हुने काम गर्नुभयो ।’ओलीले भने ।
