आईसीसी पुरुष टी–ट्वान्टी विश्वकप छनोट अन्तर्गतको ग्लोबल छनोट ए मा सहभागिता जनाएर नेपाली राष्ट्रिय क्रिकेट टोली भोलि शुक्रबार स्वदेश फर्कने भएका छन् । बिश्वकपको एकदमै नजिक पुगेर नेपाल अन्ततः स्वदेश फर्कन बाध्य भएको हो । नेपाल क्रिकेट संघ क्यानले नेपाली टोली आज साँझ स्वदेश फर्कने जनाएको छ । नेपाली टोली साँझ साढे ५ बजे नेपाल आईपुग्ने क्यानले जनाएको छ ।
छनोटमा नेपालले तेस्रो स्थान हासिल गरेको थियो । बिहीबार तेस्रो स्थानको लागि भएको प्ले अफमा ओमानलाई ९ विकेटले हराउँदै नेपालले तेस्रो स्थान हासिल गरेको हो । तर, सेमिफाइनलमा पराजित भएपछि नेपालको अष्ट्रेलियामा हुने टी(ट्वान्टी विश्वकप खेल्ने सपना सकिएको थियो । सेमिफाइनलमा नेपाल युएईसँग पराजित भएको थियो । छनोटको उपाधि युएईले जितेको छ ।
