काठमाडौं १२ फागुन । प्रधानमन्त्री शेरबहादुर देउवाले अमेरिकी परियोजना एमसीसी पारित गर्न नेकपा एमालेको सबै माग पुरा गर्न सकारात्मक देखिएका छन् ।
एमसीसीको विषयमा गठवन्धन दलमा सहमति नुहँदा देउवाले एमालेको माग प्रति सकारात्मक देखिएका हुन् ।
आज भएको छलफलमा पनि संसद अवरोध देखि माधव नेपाल लगायत १४ जना सांसदहरुलाई एमालेले गरेको कारवाहीको विषयमा समेत देउवा सकारात्मक देखिएको बुझिएको छ ।
एमालेका अध्यक्ष केपी शर्मा ओलीसंगको छलफलमा देउवाले एमसीसी पारित गर्न संसदमा आएर मतदान गर्न सजिलो बनाउनको लागी सबै मागमा छलफल गर्न तयार भएको बताइएको छ ।
यस विषयमा पार्टीमा छलफल गरेर पुन छलफल गर्ने ओलीले बताएका छन् ।
अहिले साँझ सात फेरि ओली र देउवा बिच छलफल हुने भएको छ ।
एमसीसी पारित गर्न गठवन्धनले साथ नदिएपछि देउवा माधव नेपाल लगायत १४ जना सांसदलाई एमालेले गरेको कारवाहीको विषयमा समेत छलफल गर्न तयार भएएका छन् ।
