ट्वान्टी ट्वान्टी क्रिकेटको विश्व वरीयतामा नेपालको स्थान खस्किएको छ । नेपाल दुई स्थान तल झरेको छ । अन्तर्राष्ट्रिय क्रिकेट परिषद्, आईसीसीको नयाँ वरीयता अनुसार नेपाल दुई स्थान तल झर्दै १५औं स्थानमा पुगेको हो । नेपालले १ सय ८४ अंकको रेटिङ पाएको छ । नेपाल दुई हप्ताकै अवधिमा तीन स्थान तल पुगेको हो ।
यसअघि १२ औं स्थानमा रहेको नेपाल चार देश सहभागी ट्वान्टी ट्वान्टी शृंखलामा यूएई र आयरल्याण्डसँग पराजित भएसँगै एक स्थान तल पुगेको थियो । त्यसपछि विश्वकप ग्लोबल छनोटको सेमिफाइनलमा यूएईसँग पराजित भएसँगै अझै दुई स्थान तल झरेको छ । नयाँ वरीयतामा यूएई १२ औं स्थानमा उक्लिंदा स्कटल्याण्ड १३ औं र आयरल्याण्ड १४ औं स्थानमा छन् । भारत पहिलो, इंग्ल्याण्ड दोस्रो र पाकिस्तान तेस्रो स्थानमा कायमै छन् ।
