सिरहा । नेकपा ९माओवादी केन्द्र० का केन्द्रीय सदस्य तथा पुराना कम्युनिष्ट नेता विष्णुलाल वाइवाको निधन भएको छ। उनको कोरोनाका कारण निधन भएको बताइएको छ ।
सिरहा निवासी ७८ वर्षीय वाइवाको २०४८ सालमा संयुक्त जनमोर्चाको तर्फबाट सिरहाबाट सांसद निर्वाचित भएका थिए । तीन साताअघि स्वास्थ्यमा समस्या देखिएपछि उनलाई उपचारको लागि झापा लगिएको थियो । आम्दा अस्पतालमा उपचारको क्रममा उनको मृत्यु भएको बताइएको छ ।
फोक्सोको निमोनिया ठिक नहुँदा उनको मृत्यु भएको बताइएको छ । एक साताअघि गरिएको परीक्षणमा उनको कोरोना रिर्पोट नेगेटिभ आएको थियो । । सादा जीवन विताउन चाहने वाइवा सिरहालाई कार्य क्षेत्र बनाएर वामन्थी राजनीतिमा क्रियाशील थिए । सिरहाको कर्जन्हा नगरपालिका बडहरा मिर्चैया निवासी वाइबाको आज बिहान कमला नदीमा दाहसंस्कार हुने बताइएको छ ।
