काठमाडौं २५ माघ । चौतर्फी आलोचना खेपिरहेका सभामुख अग्निप्रसाद सापकोटाले प्रतिनिधिसभाको कार्यव्यवस्था परामर्श समिति बैठक बोलाएका छन् । सापकोटाले बैठक भोली बुधबार बिहान ११ बजेका लागि बोलाएका हुन् ।
उक्त कार्यव्यवस्था परामर्श समिति बैठक बुधबार दिउँसो १ बजे बस्ने प्रतिनिधिसभा बैठकका लागि कार्यसूची तय गर्न बोलाइएको हो ।
एमसीसी संसदमा टेबुल गर्ने सरकारले जानकारी दिएपछि सभामुख सापकोटाले कार्यव्यवस्था समितिको बैठक बोलाएको जनाइएको छ ।
आइतबार कानुन, न्याय तथा संसदीय मामिलामन्त्री दिलेन्द्रप्रसाद बडूले सभामुखलाई भेटेर एमसीसी टेबुल गर्नेबारे जानकारी दिएका थिए ।
