काठमाडौं २५ माघ । मोरङको विराटनगर महानगरपालिका–१८ मा रहेको क्षेत्रलाई सरकारले बर्ड फ्लु प्रभावित क्षेत्र घोषणा गरेको छ ।
सोमबार बसेको मन्त्रिपरिषद्को बैठकले महानगरपालिका–१८ को हिमालयन कृषि फार्म वरपरको क्षेत्रलाई बर्ड फ्लु प्रभावित क्षेत्र घोषणा गरेको हो ।
सरकारका प्रवक्ता समेत रहेका सञ्चार तथा सूचना प्रविधिमन्त्री ज्ञानेन्द्रबहादुर कार्कीले दिएको जानकारी अनुसार हिमालयन कृषि फार्म वरपरको क्षेत्रलाई बर्ड फ्लु प्रभावित क्षेत्र घोषणा गरिएको हो ।
साथै सोमबारको बैठकले फेवातालको जलाधार संरक्षण क्षेत्रलाई संरक्षित क्षेत्र घोषणा समेत गरेको छ ।
