नटिंगघम फरेस्टसँग लेस्टर सिटीले हारेपछि एफए कप फुटबलको चौंथो चरणबाट बाहिरिएको छ । आइतबार राति भएको खेलमा नटिंगघम फरेस्टसँग चार एक गोल अन्तरले पराजित हुँदै लेस्टर बाहिरिएको हो । खेलको २३ औं मिनेटमा फिलिपले गोल गर्दै नटिंगघमलाई सुरुआती अग्रता दिलाएका थिए ।
२४ औं मिनेटमा ब्रेनन जोनसनले , ३२ औं मिनेटमा जोए वोरलले र ६१ औ मिनेटमा जेड स्पेन्सले गोल गर्दै नटिंगघमको अग्रता तेब्बर बन्यो । खेलको ४० औं मिनेटमा केलिची इहानाचोले गोल गर्दै लेस्टरलाई ३-१ को स्थितिमा ल्याएका थिए ।तर, खेलको ६१ औं मिनेटमा जेड स्पेन्सले गोल गर्दै नटिंगघमलाई ४-१ को जित दिलाए ।
