काठमाडौं १९ माघ । प्रधानमन्त्री शेरबहादुर देउवासँग माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा ९एस०का अध्यक्ष माधव नेपाल
ले भेटवार्ता गरेका छन् ।
आज बालुवाटारमा भएको भेटमा प्रचण्ड नेपालले गठवन्धन तोडेर एमसीसी पास गर्न लागेको हो भन्दै देउवालाई प्रश्न गरेका छन् । गठवन्धन तोडेर पनि एमसीसी पारित गर्ने भनिएको देउवाको अभिव्यक्ति बाहिरिए पनि आज प्रचण्ड नेपाल बालुवाटार पुगेका हुन् ।
जवाफमा देउवाले गठवन्धन तोड्ने आफ्नो कुनै मनसाय नभएको प्रतिक्रिया दिएका बुझिएको छ । योसँगै बालुवाटरमाबाट निस्केका नेपालले एक कार्यक्रममा गठवन्धन कुनै हालतमा पनि नटुट्ने दावी गरेका छन् ।
गठबन्धन टुट्नेवाला छैन, कसैले टुटाउन खोजे पनि टुट्नेवाला छैन,’ नेता नेपालले भनेका छन् ।
यो पनि …
ओलीलाई लक्षित गर्दै नेपालले भने- गठबन्धन तोड्नुस् साथ दिन्छौं भनेका होलान् तर गलत मनसाय सफल हुनेवाला छैन
काठमाडौं १९ माघ । नेकपा एकिकृत समाजवादी पार्टीका अध्यक्ष माधव कुमार नेपालले आउँदो स्थानीय निर्वाचनमा गठवन्धन मिलेर जाने बताएका छन् ।
आज बुधबार पार्टीको विद्यार्थी संगठनले गरेको रक्तदान कार्यक्रममा सहभागी भएका अध्यक्ष नेपालले यस्तो जानकारी दिएका हुन् । यही जेठ ४ गते हुने स्थानीय तह निर्वाचनमा सत्ता गठवन्धन मिलेर जाने बताएका नेपालले त्यसका लागि आफुहरुले छलफल सुरु गरेको बताएका छन् ।
नेकपा एमालेललाई लक्षित गर्दै नेपाले उक्त कार्यक्रममा भने ,‘कसैले चाहना राखेका होलान्, गठबन्धन तोडौं भनेका होलान्, गठबन्धन तोड्नुस् साथ दिन्छौं पनि भनेका होलान् । ‘
केपी ओलीलाई लक्षित गर्दै नेपालले यस्तो बताएका हुन् ।
