कपिलवस्तु — कोरोना संक्रमणबाट जनता समाजवादी पार्टीका नेता रामप्रकाश चौधरीको मृत्यु भएको छ । गए राति भारतको लखनउस्थित सहारा अस्पतालमा उपचारका क्रममा उनको मृत्यु भएको बताइएको छ । विजयनगर गाउँपालिका–७, निवासी ४५ वर्षे चौधरी तत्कालीन राष्ट्रिय जनता पार्टीका केन्द्रीय सदस्य थिए ।
एक महिनाअघि कोरोना संक्रमित भई कपिलवस्तु जिल्ला अस्पतालमा उनको उपचार भइरहेको थियो । पीसीआर रिपोर्ट नेगेटिभ आए पनि उनको स्वास्थ्यमा सुधार नआएपछि थप उपचारका लागि परिवारले भारतको लखउन लगिएको थियो ।
त्यहाँ अस्पतालमा कोरोना परीक्षण गर्दा पुनस् पोजिटिभ देखिएको बताइएको छ । उनका दुई छोरा, एक छोरी र श्रीमती रहेका छन् ।
