काठमाडौं १८ माघ । कोरोना संक्रमणको जोखिम कायमै रहेको भन्दै सर्वोच्च अदालतले माघ ४ गतेदेखि गरेको सेवा कटौतीलाई थप १० दिन निरन्तरता दिने भएको छ ।
आज मंगलबार बसेको सर्वोच्चको पुर्ण बैठकले माघ २८ गते सम्म सेवा कटौती गर्ने निणर्य गरेको हो ।
हाल सर्वोच्चमा बन्दी प्रत्यक्षीकरण तथा कोभिड महामारीसँग सम्बन्धित अत्यन्त जरुरी प्रकृतिका रिटहरु माथि मात्र सुनुवाई भइरहेको छ ।
मुद्दा फिर्ता, तामेली एवं मिलापत्रसम्बन्धी, मुलुकी फौजदारी संहिता २०७४ को दफा ७३, १३७ (६) र १५५ बमोजिमका थुनुवा रहेका व्यक्तिहरूको निवेदन र प्रतिवेदन उपर पनि सर्वोच्चमा सुनुवाई भइरहेको छ ।
