काठमाडौं १६ माघ । नेपालमा पछिल्लो २४ घण्टामा थप ३ हजार ५४० जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशभर गरिएको ९ हजार ९ सय १० पीसीआर परीक्षणका क्रममा ३ हजार ४९ जना र ३ हजार २ सय ३५ जनामा गरिएको एन्टिजेन परीक्षणका क्रममा ४ सय ९१ जना गरी ३ हजार ५ सय ४० जनामा कोरोना संक्रमण पुष्टि भएको हो ।
त्यसैगरी , पछिल्लो २४ घण्टामा ६ हजार ३५९ जना संक्रमण मुक्त भएका छन् ।
योसँगै नेपालमा आज सम्म कोरोना संक्रमण मुक्त हुनेको संख्या ८ लाख ५४ हजार ७ सय १९ जना पुगेको छ ।
त्यसैगरी , आज एकै दिन ३२ जनाको मृत्यु भएको छ । योसँगै नेपालमा आज सम्म कोरोना संक्रमणका कारण मृत्यु हुनेको ११ हजार ७ सय ३२ जना पुगेको छ ।
मन्त्रालयले दिएको जानकारी अनुसार देशभर ८३ हजार ९ सय ९९ सक्रिय संक्रमित आइसोलेशनमा रहेका छन् ।
