काठमाडौं १६ माघ । तत्कालिन नेकपा पार्टी फुटाउने नेपाल कम्युनिस्ट पार्टी नेकपाका अध्यक्ष ऋषि कट्टेल पार्टीबाट निष्काशित भएका छन् । पार्टी हितविपरीतको गतिविधि गरेको आरोपमा अध्यक्ष कट्टेललाई पार्टीबाट निष्काशित गरिएको पार्टीले जनाएको छ ।
पार्टीका कार्यवाहक अध्यक्ष लोकनारायण सुवेदीद्वारा हस्ताक्षरित पत्रमार्फत कट्टेललाई पार्टीबाट निष्काशित गरिएको बताएका छन् । पार्टीको हित विपरित काम गरेको र स्पष्टिकरण सोध्दा पनि पनि जवाफ नदिएको भन्दै कट्टेललाई पार्टीबाट साधारण सदस्य समेत नरहने गरी निष्काशन गरिएको पत्रमा उल्लेख गरिएको छ ।
कट्टेलले नेकपाको दावी गर्दै सर्वोच्चमा मुद्धा दायर गरेका थिए सो मुद्धाको कारण तत्कालिन नेकपा फुटेर एमाले र माओवादीको परिणत भएको थियो । त्यतिबेला माओवादी र एमालेले एकता गरी नेकपा पार्टी गठन गरेका थिए । 
