केप भर्डेलाई पराजित गर्दै सेनेगल अफ्रीका कप अफ नेसन्सको क्वाटरफाइनलमा प्रवेश गरेको छ । मंगलबार राति भएको खेलमा सेनेगलले केप भर्डेलाई दुई शुन्य गोल अन्तरले पराजित गर्दै क्वाटरफाइनलमा पुगेको हो ।सेनेगलका लागि साडियो माने र बाम्बा डीइङले एक एक गोलको योगदान दिए ।
६३ औं मिनेटमा सेनेगलका लागि पहिलो गोल मानेले गरेका थिए । त्यसपछि खेलको इन्जुरी समयमा बाम्बाले गोल गर्दै सेनेगललाई दुई शुन्यको को जित दिलाए । यस्तै खेलमा भर्डे ९ खेलाडीमा समेटिएको थियो । भर्डेका प्याट्रिक र भोजिन्हाले रातो कार्ड पाएका थिए ।
