काठमाडौं १९ जेठ । नेकपा एमालेबाट निष्काशित वरिष्ठ नेता माधवकुमार नेपालले आफु अझैँ एकताको पक्षमा भएको बताएका छन् । आफ्नो ६ बुँदे माग पुरा भए पार्टी एकताको पक्षमा रहेको बताएका नेपालले पार्टी एकताको लागि गठन गरिएको कार्यदलले काम नगरेको पनि बताएका छन् ।
नेता नेपालले आज बुधबार जनसंगठनहरूको भर्चुअल बैठकमा यस्तो प्रतिक्रिया दिएका हुन् । ‘हामी एकताको विपक्षमा छैनौं । तर ६ बुँदे प्रस्ताव कार्यान्वयन हुने सम्भावना देखिंदैन’ बैठकमा नेपालले भने ।
बैैठकमा नेपालले पार्टीका अध्यक्ष केपी ओली सहमत नहुने हो भने धेरै अलमल नगरी अलग पार्टीको निमार्ण गर्नु पर्ने पनि बताएका छन् । जनसंगठनहरूको नेताहरुले पनि समय तोकेर वार्ता गर्नुपर्ने नभए अलग पार्टी निर्माणमा जानुपर्ने सुझाव दिएका छन् ।
