काठमाडौं १० माघ । नेपालमा पछिल्लो २४ घण्टामा थप १० हजार ३१९ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार देशभर १६ हजारर ६५४ नमुनाको पीसीआर टेष्ट गर्दा ८ हजार ५४ र ४ हजार ५४७ नमुनाको एन्टीजेन टेष्ट गर्दा २२६५ जना गरी १० हजार ३१९ जनामा कोरोना भाइरस संक्रमण पुष्टि भएको हो ।
त्यसैगरी, पछिल्लो २४ घण्टामा २ हजार ५४० जना संक्रमणमुक्त भएका छन् । साथै ४ जनाको भने ज्यान गएको मन्त्रालयले जनाएको छ ।
मन्त्रालयले दिएको जानकारी अनुसार हाल देशभरमा ८२ हजार ५५० संक्रिय संक्रमित रहेका छन् ।
