काठमाडौं ९ माघ । नेपालमा पछिल्लो २४ घण्टामा थपिएका कोरोना संक्रमित मध्ये आदि काठमाडौं उपत्यकाको रहेका छन् । देशभर
६ हजार ४६२ जनामा संक्रमण पुष्टि हुँदा उपत्यकामा ३ हजार ७९१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको हो ।
जसमा काठमाडौंमा मात्र २८६८, ललितपुरमा ६०२ र भक्तपुरमा ३२१ जना रहेका छन् । त्यसैगरी, पछिल्लो २४ घण्टामा चार जना कोरोना संक्रमितको ज्यान गएको छ ।
पछिल्लो २४ घण्टामा देशभर भने १७ हजार ४३७ जनामा कोरोना परिक्षण गरिएको थियो । यसैगरी, पछिल्लो २४ घण्टामा १ हजार ४ सय १६ जना संक्रमणमुक्त भएका छन् ।
योसँगै, संक्रमण मुक्त हुनेको संख्या आठ लाख २१ हजार ६ सय ९९ जना पुगेको मन्त्रालयले जनाएको छ । मन्त्रालयले दिएको जानकारी अनुसार हाल नेपालमा सक्रिय संक्रमितको संख्या ९ लाख ११ हजार २ सय ५८ जना पुगेको छ ।
