काठमाडौं ९ माघ नेपालमा पछिल्लो २४ घण्टामा थप ६ हजार ४ सय ६२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशरभर १७ हजार ४३७ नमुना परीक्षण गर्दा ६ हजार ४ सय ६२ जनामा कोरोना संक्रमण पुष्टि भएको हो ।
मन्त्रालयले दिएको जानकारी अनुसार हाल नेपालमा संक्रमितको संख्या ९ लाख ११ हजार २ सय ५८ जना पुगेको छ ।
यसैगरी, पछिल्लो २४ घण्टामा १ हजार ४ सय १६ जना संक्रमणमुक्त भएका छन् । योसँगै संक्रमण मुक्त हुनेको संख्या आठ लाख २१ हजार ६ सय ९९ जना पुगेको मन्त्रालयले जनाएको छ ।
साथै, पछिल्लो २४ घण्टामा कोरोना संक्रमणबाट ४ जनाको ज्यान गएको छ ।
