काठमाडौं ६ माघ । कोरोना भाइरस (कोभिड-१९) को संक्रमणले काठमाडौं उपत्यकालाई त्रसित बनाएको छ ।
पछिल्लो २४ घण्टामा देशभर एकै दिन थप १२ हजार ३३८ जनामा कोरोना संक्रमण पुष्टि भएको छ ।
जसमा उपत्यकामा मात्र एकै दिन ६ हजार ९८१ जनामा कोरोना संक्रमण पुष्टि भएको छ ।त्यसमा पनि काठमाडौंमा मात्र ५,००१, ललितपुरमा १,१३० र भक्तपुरमा ८५० जनामा कोरोना संक्रमण पुुष्टि भएको छ ।
स्वास्थ्य मन्त्रालयले दिएको जानकारी अनुसार पछिल्लो २४ घण्टामा देशभर २१ हजार ७ जनाको पीसीआर टेष्ट गर्दा १० हजार ५२ तथा ६ हजार ४९० नमुनाको एन्टीजेन टेष्ट गर्दा २ हजार २८६ जना गरी १२ हजार ३३८ जनामा कोरोना संक्रमण पुष्टि भएको हो ।
त्यसैगरी पछिल्लो २४ घण्टामा ६४९ जना संक्रमण मुक्त भएका छन्, भने ४ जनाको मृत्यु भएको छ ।
