काठमाडौँ ५ माघ। नेपालमा पछिल्लो २४ घण्टामा नेपालमा थप ११ हजार ३५२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा १८ हजार ७८ नमुनाको पीसीआर टेष्ट गर्दा ९ हजार ५०२ तथा ५ हजार ३३१ नमुनाको एन्टीजेन टेष्ट गर्दा १ हजार ८५० जना गरी ११ हजार ३५२ जनामा कोरोना संक्रमण पुष्टि भएको हो ।
जसमा काठमाडौं उपत्यकामा मात्रै ६३ सय ४३ जना संक्रमितको पुष्टि भएको छ । त्यसमा पनि काठमाडौंमा ४६ सय ४६, ललितपुरमा १ हजार १९ र भक्तपुरमा ५ सय ७८ जना रहेका छन् ।
पछिल्लो २४ घण्टामा ४ जना संक्रमितको ज्यान गएको छ । त्यसैगरी, पछिल्लो २४ घण्टामा ६१३ जना कोरोना संक्रमणमुक्त भएका छन् ।
