काठमाडौं ५ माघ । पछिल्लो २४ घण्टामा नेपालमा थप ११ हजार ३५२ जनामा कोरोना सक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकार ि अनुसार पछिल्लो २४ घण्टामा देशभर २३ हजार ४०९ वटा नमुना परीक्षण गर्दा ११ हजार ३५२ जनामा संक्रमण पुष्टि भएको हो ।
मन्त्रालयका अनुसार यो संक्रमण संख्या हाल सम्मकै सबैभन्दा धेरै हो । संक्रमित मध्ये ६ हजार ३४३ जना काठमाडौं उपत्यकाका रहेका छन् ।
जसमा काठमाडौंका ४ हजार ६६६, ललितपुरका १ हजार १९ र भक्तपुरका ५७८ जना भएको मन्त्रालयले जनाएको छ ।
आज ४ जना संक्रमितको ज्यान गएको छ । त्यसैगरी पछिल्लो २४ घण्टामा ६१३ जना कोरोना संक्रमणमुक्त भएका छन् ।
